Një pronar lokali në Krujë është proceduar penalisht pasi në mënyrë të përsëritur ka organizuar festa në lokalin e tij. Është proceduar penalisht, për veprën penale “Mosbindja ndaj urdhrit të punonjësit të policisë”, F. Gj., 55 vjeç, banues në fshatin Derven, Krujë.
“Specialistët për Hetimin e Krimeve në Komisariatin e Policisë Krujë, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, proceduan penalisht, për veprën penale “Mosbindja ndaj urdhrit të punonjësit të policisë”, shtetasin F. Gj., 55 vjeç, banues në fshatin Derven, Krujë. Ky shtetas, pronar i një subjekti në Derven, Krujë, është konstatuar duke organizuar festa familjare në mënyrë të përsëritur, në kundërshtim me Aktin Normativ, duke mos iu bindur urdhrit të Policisë”, thotë policia.
