Mbrëmja e djeshme mes Bullgarisë dhe Anglisë për kualifikueset e Europianit ishte e karakterizuar nga shumë thirrje raciste të tifozerisë vendase. Madje, ndeshja u ndërpre në dy momente për të vendosur rregullin në stadium.
Por, ngjarja është kthyer në një çështje të madhe dhe ka marrë vëmendje të jashtëzakonshme ndërsa Federata Bullgare pret edhe një masë ndëshkimore shembullore nga organet e disiplinës në UEFA. Sakaq në ditën e sotme, Kryeministri i Bullgarisë, Bojko Borisov, ka kërkuar dorëheqjen e presidentit të Federatës, Borislav Mikailov.
Mikailov pretendonte se ngjarja kishte marrë përmasa të ekzagjëruara, megjithatë pas kërkesës së Kryeministrit ka vendosur të dorëhiqet nga posti, ndërsa së shpejti do të emërohet edhe zëvendësuesi e tij. Për kërkesën e Kryeministrit i cili kërkonte dorëheqjen e kreut të Federatës, reagoi edhe sulmuesi Rahem Sterling, që e cilësoi si një gjest besueshmëria nga ana e Borisov.
