Kryeministri shqiptar Edi Rama, njëherazi edhe kreu i OSBE, i bëri thirrje presidentit bjellorus Lukashenko që të niste një dialog me opozitën vendase dhe me ndërmjetësimin e OSBE-së për zgjidhjen e krizës politike në vend.
Por duket se kërkesa e Ramës që u mbështet edhe nga SHBA e Rusia duket se nuk është marrë parasysh nga ai që njihet edhe si “diktatori i fundit në europë”. Presidenti francez Emmanuel Macron në një konferencë të përbashkët me Angela Merkel tha se Aleksandër Lukashenko nuk e ka pranuar ndërmjetësimin e OSBE-së në krizën politike në Bjellorusi.
Kujtojmë se populli bjellorus është ngritur në protesta kundër Lukashenkos, por disa protestuesë dhe aktivistë opozitarë janë burgosur. Edhe Bashkimi Europian ëkrkoi zgjidhjen e krizës politike në Minsk me ndërmjetësimin e OSBE, por duket se Lukashenko mbetet i vendosur në qëndrimine tij.
