As vendi më i ‘pathyeshëm’ në vend, Kryeministria nuk i ka shpëtuar tërmetit të fuqishëm të 26 nëntorit.
Për herë të parë janë publikuar foto nga zyrat, ku tërmeti ka shkaktuar shumë dëme.
Zv.ministri Artan Shkreli ka publikuar fotot dhe është shprehur se salla po i nënshtrohet rehabilitimit dhe përforcimit me fibra karboni.
“Kryeministria gjithashtu u trondit nga termeti i dt. 26.11.19, dhe në sallën dopio-volum të hartave strukturat mbajtëse pësuan mjaft plasaritje.
Ishte fat i madh që pikërisht parvjet të dy katet e poshtme, përfshi bazamentin, u përforcuan në pikepamje konstruktive dhe u sollën në norme sizmike duke shpëtuar me siguri qendrueshmerinë e objektit”, ka shkruar Shkreli.
Ai ka thënë se është një sallë e bukur e me karakter të theksuar monumental, që po i nënshtrohet rikonstruktimit.
Kujtojmë që protestuesit e drejtuar nga Basha tentuan të hynin brenda, duke shkatërruar çfarë gjenin përpara, por ata nuk mundën të depërtonin në derën hyrëse.
Por tërmeti i 26 nëntorit ‘depërtoi’ lehtësisht brenda duke sjellë dëmtime.
