Aktori, Enea Arapi i emisionit veror ‘Bukë me vete’ që transmetohet në RTV Ora është goditur me tytën e pistoletës.
Mësohet se ngjarja ka ndodhur në Ksamil, pasi grupi kishte përfunduar xhirimet në një prej lokaleve të zonës.
Aktori është goditur me tytën e pistoletës nga një person i paidentifikuar, i cili i ka kërkuar Arapit të ulë shpejtësinë e makinës, edhe pse ky i fundit nuk ishte me shpejtësi.
Arapi ndodhet jashtë rrezikut për jetën, ndërsa pas konfliktit stafi i emisionit ka njoftuar policinë dhe kanë bërë denoncimin./newsbomb
