Fundjava nisi me shi, dhe të shumtë ishin ata të cilët u shqetësuan, pasi mund tu prishen planet për pushimet verore. Por sipas metereloges Adjola Bani, kjo është një situatë normale pasi ka pasur zhvillim të menjëhershëm të vranësirave si pasojë e avullimit të menjëhershëm të ajrit. Por, kjo situatë nuk do të zgjasë. Adjola bani: ”Kemi patur avullim të menjëhershëm të ajrit, të lagështisë duke na sjellë dhe rebeshet afatshkurta sot.
Nuk është një situatë e cila do të zgjasë, sepse sot në mbrëmje pritet të kemi përmirësim të motit, duke na rikthyer kthjellimet në të gjithë territorin.” Dita e dielë do të shënjojë rritje të temperaturave të ajrit, e cila do të arrijë deri në 35 gradë celcius.
Adjola Bani:‘‘ Dita e dielë do të nisë e kthjellët por mesdita do të na sjelli sërish kthim të vranësirave në skajin verior, e cila do të sjellë dhe shira të pakta dhe të izoluar. E diela do të sjellë rritje të temperaturave ku maksimumi parashikohet deri në 35 gradë celcius.” Si do jetë moti javën tjetër? Adjola Bani: ”Java tjetër do të karakterizohet me mot me diell, përjashtuar zonat malore, ku do të kemi kalime vranësirash të pakta.
Ajo që do të bëjë diferencën, është dita e martë e deri të dielën e javës tjetër, duke qenë se do të kemi qarkullim të masave ajrore nga veriu i Afrikës. Tempreaturat e larta do të karakterizojnë territorin shqiptar, ku në zonat malore temepraturat do të arrijnë në 33 gradë celcuis, ndërsa në zonat bregdetare 38 gradë celcius.”
