Alket Hyseni është përplasur mbrëmjen e sotme me gazetarin Blendi Fevziu. I ftuar në emisionin “Opinion”, Hyseni u ankua që u la i fundit që të japë komentin e tij në lidhje me videon e ‘nxehtë’ që u paralajmërua pasditen e sotme se do të publikohej.“Shyqyr më erdhi radha e nuk na ke qejf ne të maxhorancës,”- tha Hyseni.
“Ku e di ti dashurinë time për maxhorancën? Unë ta them dhe publike, por ku e di ti? Unë të lashë në fund, sepse e di që ju të PS-së s’i keni shumë qejf këto videot,”- tha Fevziu. Pasditen e sotme, në një artikull në “Koha Jonë”, Nikoll Lesi u shpreh se Meta ka në dorë një video ku një ambasador bën seks me një zyrtare të Ramës.
