Nga Fate Velaj
Të nderuar miq, sot, 10 Nëntor 2018, gati në të gjitha kryeqytetet e Europës si dhe qytetet e rëndësishme të saj, në orën 16.00, nga ballkonet e institucioneve artistike, teatrore e kulturore, do të proklamohet, idea e krijimit të “REPUBLIKËS EUROPA – E QYTETARËVE. JO E SHTETEVE NACIONALE”.
Me kërkesë të ideatorëve dhe personaliteteve të larta të artit, kulturës dhe skenës europiane, pranova dhe përqafova idenë dhe vendosa të përzgjidhja Vlorën dhe universitetin Pavarësia për këtë aksion mbarë europian…
Kjo datë nuk është përzgjedhur rastësisht. Si dje, 100 VITE MË PARË, nga një ballkon i Reichstagut, Philipp Scheidemann, proklamoi republikën parlamentare të Weimarit që përmblidhte gjithë kombin gjerman duke i dhënë fund, dhe monarkisë gjermane.
Të nesërmen, 10 Nëntor, Princi Max von Boden i dorëzoi qeverinë poliztikanit të SPD, Friedrich Ebert. Po kështu, nga ballkoni i parlamentit në Vjenë, në dt 12 Nëntor, u proklamua republika e Austrisë që i dha fund perandorisë Austro-Hungareze.
Këto ditë kam dhënë intervista për televizionin austriak ORF, atë 3SAT si dhe ARTE mbasi, qysh në vitin 2002, kam startuar dhe organizuar me sukses në Vjenë, Bruksel, Shkup etj iniciativën “ARTI PËRMIRËSON KOHËN”
Më shumë reth këtij aksioni, gjeni në faqen web :
https://europeanbalconyproject.eu
