Kumbulla refuzon kalimin te Napoli, mbrojtësi shqiptar kërkon transferimin tek gjigandët e Italisë

Qendërmbrojtësi shqiptar, Marash Kumbulla ka refuzuar kalimin te skuadra e Napolit, megjithëse Verona ka gjetur akordin me napolitanët. Eksperti i merkatos në Itali, Nicolo Schira shprehet se ai dëshiron kalimin te zikaltërit e Interit. Para disa ditësh, agjenti i Kumbullës pati një takim me drejtuesit e Interit, por nga ana tjetër mungon marrëveshja me Veronën. Të kaltërit që drejtohen nga Gatuzo janë gati të paguajnë 20 milionë euro plus bonuset për ta pasur në skuadër sezonin e ardhshëm, por Kumbulla dëshiron vetëm Interin. “Marash Kumbulla tani për tani ka refuzuar ofertën e Napolit. Qendërmbrojtësi nuk është i bindur dhe pret ofertën e Interit. Verona ka arritur akordin me Napolin për në merkaton e verës për 20 milionë euro plus bonuse. Palët në punë”, shkruan Schira në faqen e tij zyrtare.