Një 67-vjeçar, i identifikuar si Bardhyl Gora ka ndërruar jetë mëngjesin e sotëm në pavionin e Infektivit në spitalin e Pogradecit. I moshuari kishte shfaqur shenja të Covid, ku prej dy javësh ndodhej në gjendje të rënduar dhe qëndronte në shtëpi.Por familjarët e dërgua me urgjencë në spital dhe ditën e djeshme rreth orës 15:00 e shtruan në një dhomë në katin e dytë. Menjëherë iu bënë ekzaminimet dhe rezultoi me diabet të lartë dhe rrahje të shpeshta të zemrës.
Mushkëritë i kishte shumë të dëmtuara dhe ky ishte dyshimi i mjekëve që kërkuan ti bëhej tamponi i koronavirusit. Përgjigjja nuk ka dalë ende por besohet se ishte Covidi që i shkaktoi vdekjen. Familjarët thonë që viktima kishte bërë më herët analizat që ishte konfirmuar i infektuar me Covid.
