Kuvendi i Shqipërisë zhvillon sot seancën e radhës. Në rendin e ditës të seancës së sotme është parashikuar një interpelancë me Kryeministrin dhe ministrin e Punëve të Jashtme kërkuar nga deputetët Vasil Sterjovski dhe Ligoraq Karamelo. Në rend të ditës është parashikuar gjithashtu një interpelancë me ministrin e Brendshëm kërkuar nga deputeti Lefter Maliqi. Kuvendi gjithashtu pritet të shqyrtojë projektligjin “Për disa ndryshime dhe shtesa në ligjin nr. 9632, datë 30.10.2006 “Për sistemin e taksave vendore” të ndryshuar””.
Kuvendi pritet të shqyrtojë edhe projektligjin “Për një shtesë në ligjin nr. 92/2014, “Për tatimin mbi vlerën e shtuar në Republikën e Shqipërisë”, të ndryshuar””. Kuvendi gjithashtu pritet të shqyrtojë edhe projektligjin “Për disa ndryshime dhe shtesa në ligjin nr. 10221, datë 04.02.2010, “Për mbrojtjen nga diskriminimi”.
Kuvendi pritet të shqyrtojë edhe projektligjin “Për disa shtesa dhe ndryshime në ligjin nr. 9669, datë 18.12.2006 “Për masat ndaj dhunës në marrëdhëniet familjare” të ndryshuar””. Kuvendi pritet të shqyrtojë edhe projektligjin “Për metrologjinë”.Kuvendi gjithashtu pritet të shqyrtojë edhe projektligjin “Për regjistrimin, mënyrën e përdorimit dhe kontrollin e mjeteve lundruese, turistike e të kënaqësisë, me motor me fuqi mbi 30 kv ose 40.8 kf dhe tonazh nën 150 GT”.
