Kuvendi ka votuar emërimin e drejtoreshës së re të INSTAT-it me 89 vota pro, 8 kundër 13 abstenim. Drejtoreshë e re përgjithshme e Institutit të Statistikave është Elsa Dhuli. Më 12 Tetor u propozua emri i saj nga Komisioni për Ekonominë dhe Financat, për drejtoreshë e Institutit të Statistikave. Dhuli është aktualisht drejtoresha e komanduar e INSTAT, që prej korrikut të vitit 2019.
Ndërkohë, ditën e sotme Parlamenti miratoi sot me 111 vota pro projektrezolutën “Për miratimin e përkufizimit të përdorshëm për antisemitizmin përcaktuar nga Aleanca Ndërkombëtare për Përkujtimin e Holokaustit”. Asnjë deputet në sallë doli kundër dhe pas votimit të gjithë kanë duartrokitur. Të pranishëm në Parlament ishin ambasadorët e SHBA-së Yuri Kim, BE -së Luigi Soreca, dhe Izraelit, të cilët po ashtu kanë duartrokitur në sallë bashkë me deputetët.