1373 pacientë përfituan falas shërbimin e dializës gjatë periudhës janar-gusht 2020. Fondi i Sigurimit të Detyrueshëm i Kujdesit Shëndetësor thotë se pacientët marrin shërbim cilësor me kushte e standarde bashkëkohore.
“100% financim nga FSDKSH. Shërbim i specializuar dhe plotësim i nevojave të çdo pacienti pavarësisht situatës së vështirë të krijuar nga COVID19. Janë kryer gjatë periudhës Janar-Gusht 2020. 106 vendosje fistule, 6 transplante renale dhe 1373 dializantë të trajtuar’’, informon Fondi i Sigurimit të Detyrueshëm të Kujdesit Shëndetësor.
Prej vitit 2015, pacientët shqiptarë përfitojnë paketat shëndetësore të nefrologjisë dhe kardiokirurgjisë pa pagesë, si në spitalet publike, ashtu edhe në ato jopublike. Pacientët përfitojnë 10 shërbime spitalore si dializa, transplanti i veshkave, trapia e flakjes akute, pacemaker definitiv, angiografi koronare, angioplastikë koronare, interventet valvolare, interventet kongenitale, bypass koronar, implanti koklear për fëmijët me probleme dëgjimi.
Këto paketa financohen 100% nga Fondi i Sigurimit të Detyrueshëm të Kujdesit Shëndetësor dhe zbatohen në bazë të protokolleve të miratuara nga Ministria e Shëndetësisë.
