sh-ministri i Brendshëm, Saimir Tahiri lajmëron se ditën e nesërme, në datë 21 shtator, në orën 11:30, në një dalje për mediat do të shpjegojë të vërtetën e tij.
“Neser ne 11.30 shihemi live ketu, per te shpjeguar te verteten time, deri ne kete stacion te pare”, shkruan Tahiri nnë facebook.
Pasditen e djeshme, 19 shtator 2019, Gjykata e Krimeve të Rënda vendosi të dënojë ish-ministrin me 5 vite burg, dënim i cili do të konvertohet në 3 vite shërbim prove.
Treshja e gjykatësve e shpalli fajtor ish ministrin vetëm për akuzën e shpërdorimit të detyrës.
Ndaj ish ministrit kanë rënë te gjitha akuzat për “trafik droge” dhe “bashkëpunim ne grup te strukturuar kriminal”, por vetë Tahiri kur doli nga gjykata edhe pse u duk i çliruar, e cilësoi verdiktin e gjykatës qesharak duke mos e kursyer edhe ironinë teksa përsëriti pafajësinë e tij.
