LAJM I FUNDIT/ U shpartallua nga Partizani, trajneri i Kukësit Skënder Gega jep dorëheqjen

Sfida mes Partizanit dhe Kukësit e cila u mbyll me shifrat 4-1, për “Demat e Kuq” përtej rezultatit të hidhur një surprizë vjen edhe në stolin e verilindorëve, të cilët deklaruan nëpërmjet një statusi në rrjete sociale se ekipi i Kukësit i ndërpret marrëdhëniet me trajnerin Skënder Gegën, ende nuk dihet nëse shkaku kryeson të jetë humbja e thellë sot në stadiumin Selman Stermasi. Ky vendim është marrë vetë nga trajneri Gega i cili i ka komunikuar stafit drejtuese se jep dorëheqjen nga drejtimi i ekipit të Kukësit, duke kërkuar mirëkuptimin e tyre për këtë akt të vështirë teksa i falënderon për mbështetjen dhe respektin e dhënë përgjatë kësaj kohe.

Futboll Klub Kukësi njofton se për shkak të rezultateve të fundit, trajneri Skënder Gega ka vendosur të japë dorëheqjen. Pas ndeshjes, trajneri i ka komunikuar klubit vendimin për dorëheqje dhe ky vendim është pranuar dhe është vënë në dijeni presidenti i nderit Safet Gjici. Pas ndeshjes, trajneri ka takuar skuadrën dhe stafin teknik për t’u përshëndetur.
Klubi e falënderon Gegën për kontributin e dhënë dhe i uron shumë suksese në të ardhmen. Trajneri Gega ka shpjeguar arsyet e largimit nëpërmjet këtij mesazhi:

“Prej disa muajsh kam qenë në krye të pankinës së Kukësit.
Edhe pse kam pasur mbështetjen, besimin dhe respektin nga të gjithë në situatën që ekipi po kalon në ndeshjet e fundit, marr përgjegjësitë dhe vendimin që të mos vazhdoj më në pozicionin e trajnerit.
I kërkova klubit dhe presidentit Gjici të më mirëkuptojë për vendimin tim aspak të lehtë.
JU LUTEM NUK KA VEND PËR ALUDIME !

Jam ndjerë tepër i vlerësuar dhe i respektuar nga presidenti Gjici, nga i gjithë klubi, stafi, futbollistët dhe mbështetsit e Kukësit.
Për mua ishte kënaqësi dhe eksperiencë shimë e mirë pavarësisht me vështirësite e fillimit.
Jam i sigurt që Kukesi do të shkojë atje ku e meriton sepse është një grup shumë i mirë lojtarësh dhe ka mbështetje të madhe nga të gjithë tifozët e mrekullueshëm.

Ju falënderoj të gjithëve për respektin dhe mbështetjen tuaj. Ju uroj të gjithëve shëndet dhe suksese. Me respekt S. Gega