Është përcjellë për në banesën e fundit 16-vjeçarja shqiptare, Xhesika Malaj, e cila u vra barbarisht me thikë nga babai i saj. Taulant Malaj goditi për vdekje me thikë të bijën, fqinjin italian dhe plagosi gruan. Kjo e fundit, Tefta Malaj, mori pjesë në funeralin e vajzës së saj, ndërsa qëndronte në një karrocë me rrota pasi kishte lënë për disa orë spitalin.

“Dashuria për nënën tënde të shtyu ta mbroje me trupin tënd, dhe si Jezusi e dhatë jetën për të, nga dashuria”. Kështu thaDon Renato Borrelli, famullitar i kishës së Punëtorëve Hyjnor të Torremaggiore (Foggia), në predikimin e tij pasi nëna mbijetoi falë ndërhyrjes së vajzës së saj që u përpoq ta mbronte. Famullitari iu drejtua viktimës së re duke e quajtur: “E dashur heroinë e vogël, sa i ngjan Jezusit në atë gjest tënd”. Më pas, Don Borrelli shtoi: “Sot je dhe do të jesh gjithmonë në Parajsë. Rinia jote tani ka lulëzuar përgjithmonë në parajsë”.

Sipas mediave italiane, në varrim ka edhe nxënës nga shkollat ​​e mesme klasike dhe shkencore të Torremaggiore (Foggia). E reja ndoqi shkollën e mesme klasike.