Duke filluar nga 30 prilli mjekët specialistë do të marrin 50 mijë lekë të reja plus mbi pagën. Lajmin e ka dhënë kryeministri Edi Rama në Kongresin e Shëndetësisë, i cili do të mbahet në datat 6 dhe 7 në Pallatin e Kongreseve në Tiranë.
“Ne i kemi rritur pagat nga 2013 po jemi të vetëdijshëm që kjo nuk mjafton. Autonomia spitalore është një mekanizëm i ri që ka filluar të testohet në Spitalin Memorial, i cili do krijojë mundësinë që në sistemin tonë shëndetësor të ketë paga më të mira po jo të barabarta që do të thotë do rriten pagat për ata që punojnë më shumë. Sot dua t’ju them se në prill, se këtë vit, më 30 prill, mjekët specialistë do të marrin 50 mijë lekë të reja plus në pagën e tyre, dmth të reja, ose 500 dollarë. Edhe rritja për infermierët dhe mjekët e përgjithshëm vazhdon me 7%”-tha Rama.
