Media greke protothema.gr ka publikuar sot një video ku sipas saj tregon arrestimin e një shqiptari, kreun e një karteli droge që pastroi 250 milionë euro në një periudhë 10-mujore.
52-vjeçari grek, me origjinë shqiptare, u zbulua dhe u arrestua në Glyfada. Ai kërkohej me një urdhër-arresti evropian si kreu i një organizate kriminale të përfshirë në grumbullimin dhe shpërndarjen e shumave të mëdha parash në Holandë nga trafiku i drogës.
Në një video dokument të publikuar fillimisht nga Mega, shihet faza e fundit e operacionit të Prokurorisë. Efektivët dhe agjentët, të veshur me jelekë të verdhë dhe duke u shtirur si pastrues të bashkisë, i bëjnë sinjal 52-vjeçarit të ulë shpejtësinë sa më shpejt. Ai del nga parkingu i një kompleksi apartamentesh me motorin e tij.
Më pas njëri prej tyre i afrohet në mënyrë të papritur dhe e imobilizon, ndërsa një tjetër agjent nxiton për ta ndihmuar. Më pas vijnë edhe tre kolegë të tjerë dhe marrin motorin, ndërsa 52-vjeçari tenton të rezistojë, por nuk ka vend për reagim.
52-vjeçari nuk kishte ndonjë të shkuar kriminale në Greqi. Autoritetet holandeze kanë kërkuar ekstradimin e tij, por ai refuzon. Nga kontrolli u sekuestruan edhe telefona celularë, duke përfshirë një celular të përdorur për biseda të koduara nëpërmjet aplikacioneve speciale, tableta, një disk dixhital dhe karta SIM.
Në fakt, njëri nga dy celularët konsiderohet shumë i rëndësishëm dhe do të ndihmojë në hetimin e autoriteteve holandeze.Për videon e arrestimit kliko këtu
