Çifti presidencial i Ukrainës, Volodomyr dhe Olena Zelensky kanë dhënë një intervistë, ku kanë folur për luftën në Ukrainë dhe jetën e tyre familjare.
Olena Zelenska zbuloi gjatë intervistës se si e kishte mësuar lajmin që bashkëshorti i saj, Volodymyr Zelensky, do të kandidonte për president.
Ajo tregon se nuk ka ditur asgjë, deri në momentin që e kishte parë fjalimin e tij në televizion.
“Çdo ditë mendonte të ma thoshte, se ky është momenti, duhet t’ia them asaj. Por vetëm kur pash fjalimin e tij për Vitin e Ri mësova se po kandidonte”, tha Olena Zelenska Pas kësaj të dy shpërthyen në të qeshura, Zelensky në fund i kërkon falje zonjës së parë ukrainase.
44-vjeçari, i cili me profesion është komedian, erdhi në pushtet në vitin 2019, kur në zgjedhje mposhti rivalin e tij Petro Poroshenko.
“Shërbëtori i Popullit”, premtoi t’i jepte fund luftës me separatistët pro-rusë në Lindje të Ukrainës, pa e ditur se një tjetër edhe më e madhe do ta priste gjatë ushtrimit të detyrës. Tashmë Zelensky është vënë para një detyrë të rëndësishme dhe të vështirë, asaj të ruajtjes së integritetit territorial të vendit dhe rezistencës ndaj pushtimit rus.