IKMT dhe Policia kanë zbarkuar në restorantin ‘Panorma’ të Mihal Kokëdhimës, i cili 6 ditë më parë sulmoi disa turistë spanjollë.
Mësohet se IKMT e mbështetur edhe nga policia kanë prishur restorantin e Kokëdhimës në Porto Palermo, pasi ishte një ndërtim pa leje.
Sipas IKMT restoranti në një sipërfaqe prej 2 mijë metra katror ishte i ndërtuar pa leje.
Po kush është Mihal Kokëdhima
Mihal Kokëdhima, pronar i një lokali në Porto Palermo të Himarës, fillimisht kanosi turistët spanjollë dhe më pas ka dëmtuar automjetin e tyre dhe është konfliktuar fizikisht me ta duke u shkaktuar dëmtime në trup.
Shkak për këtë ngjarje të rëndë për turizmin shqiptar, sipas raportimeve ishte refuzimi që familja spanjolle i bëri shërbimit të keq.
Pesë turistët dhe dy shoqëruesit shqiptarë u larguan nga lokali, por sipas policisë u ndoqën dhe u dhunuan nga pronari i biznesit që i kishte ndjekur më pas. Më e dëmtuar mbeti një prej anëtarëve të familjes që kishte mbërritur me jaht në Sarandë.
