Futbollistët e Spanjës, lajmërojnë mediat spanjolle, do të marrin vaksinën anti- Covid para nisjes së Euro 2020. Kujtojmë se Sergio Busquets dhe Diego Llorente pak ditë para nisjes së Kampionatit rezultuan pozitiv duke shkaktuar panik në vend.
Por, shkruajnë mediat spanjolle, ndonëse Diego Llorente tashmë është negative, drejtuesit e kombëtares duan të sigurohen. Tashmë mjekët kanë arritur në vendin ku po qëndron Kombëtarja e Spanjës për t’i vaksinuar të gjithë futbollistët dhe stafin teknik. Kujtojmë se sot nis Europiani në Itali, ku ndeshja e parë do jetë mes Italisë dhe Turqisë.
