Lidhja Demokratike e Kosovës (LDK) nuk do të ndërmarrë asnjë hap tutje për koalicion me Lëvizjen Vetëvendosje pa u numëruar të gjitha votat nga Komisioni Qendror i Zgjedhjeve (KQZ), transmeton Gazeta Metro.Lideri i VV’së natën e 6 tetorit që fitoi zgjedhjet në Kosovë nisi me deklaratat e tij se do të flas menjëherë me LDK p formimin e koalicionit qeverisës, mirëpo këta të fundit po mendojnë ndryshe.
LDK nuk do të nisin bisedimet me VV pa përfundimin e numërimit të votave, mirëpo e ka lënë të hapur mundësinë e bashkëpunimit me Kurtin.
Para fillimit të fushatës kishte pasur disa tentime për lidhje të koalicioneve mes vete, por dy partitë nuk ranë në ujdi për pozitën e kryeministrit, ku as LDK e as VV nuk jepte këtë pozitë. Tanimë që këtë pozitë për Qeverinë e ardhshme e ka fituar LVV dhe do t’i takon asaj në bazë të rezultateve të KQZ, mbetet të shihet gjatë ditëve në vijim se cila do të jetë marrëveshja e koalicionit mes tyre./gazetametro.net
