Këshilli i Ministrave ka miratuar listën e radhës të përfituesve të kompensimit për shkak të zënies së pronave të tyre të patundshme nga ndërtimet pa leje në process legalizimi. Kompensimin financiar e përfitojnë pronarë të pasurive të paluajtshme, pronë private, për sipërfaqet takuese, të zëna nga ndërtimet informale në drejtoritë vendore të Agjencisë Shtetërore të Kadastrës: Tiranë Veri, Tiranë Jug, Kamzë-Vorë, Elbasan, Durrës, Vlorë, Shkodër dhe Kukës.
Masa e kompensimit në total sipërfaqeje është 44.381,6 m², ndërsa vlera e përgjithshme e kompensimit financiar është 545.797.214,89 lekë, sipas listës që publikohet më poshtë.
Për kompensimin e pronarëve do të përdoren po ato të ardhura që arkëtohen nga drejtoritë vendore të Agjencisë Shtetërore të Kadastrës, si rrjedhojë e kalimit të pronësisë nëpërmjet shitjes së parcelës ndërtimore, si për pasuritë shtetërore edhe për pasuritë e të tretëve, në favor të objekteve informale që legalizohen.
Drejtoritë vendore të Agjencisë Shtetërore të Kadastrës: Tiranë Veri, Tiranë Jug, Kamzë-Vorë, Elbasan, Durrës, Vlorë, Shkodër dhe Kukës do të kryejnë ndryshimet përkatëse për këto pasuri në regjistrat e pasurive të paluajtshme.
Ky vendim do të hyjë në fuqi pas botimit në “Fletoren zyrtare”.
(Listen me emrat e plote e gjeni ne versionin print te Shqiptarja.com)
