Merkato është mbyllur por futbollistët shqiptarë vijojnë të jenë më të kërkuarit në qarkullim. Mehmet Ibrahimi është blerja e fundit e gjigantit të Bundesligës gjermane, Leipzig. 18-vjeçari me origjinë shqiptare ka hedhur të zezën mbi të bardhë në kontratën e parë si profesionist. Njoftimi u dha në faqen zyrtare të klubit.
Ibrahimi ka firmosur deri më 30 Qershor 2022. Sulmuesi anësor ka bindur drejtuesit e Leipzig me paraqitjet e tij, duke dalluar nga pjesa tjetër e skuadrës. Në 5 paraqitjet e tij për ekipin U-17 të Leipzig, Ibrahimi ka shënuar 3 gola, ndërsa ka përfaqësuar kombëtaren gjermane në nëntë ndeshje në nivel moshash.
