Në tregun e këmbimit valutor vendas, të mërkurën euroja dhe dollari u zhvlerësuan përkatësisht me 0.15 lekë dhe 0.13 lekë në raport me monedhën vendase, krahasuar me një ditë më parë. Sipas kursit zyrtar të Bankës së Shqipërisë, euroja këmbehet sot, me 123.89 lekë dhe dollari me 113.18 lekë.
Ndërsa paundi britanik u zhvlerësua me 0.32 lekë dhe këmbehet me 138.58 lekë ndryshe nga franga zvicerane që u forcua me 0.36 lekë dhe këmbehet me 117.09 lekë. Banka e Shqipërisë llogarit dhe publikon kursin zyrtar të këmbimit. Ky kurs është një nivel referencë (i vetëm), i cili mund të përdoret nga të interesuarit për qëllime tregtuese, vlerësuese, krahasuese dhe statistikore.
Pa cenuar regjimin e një kursi të këmbimit të lirë, Banka e Shqipërisë mund të kryejë veprime në tregun valutor me objektiv përshtatjen e kursit të këmbimit me nivelin e përcaktuar nga faktorët bazë makroekonomike, shmangien e çrregullimeve dhe rritjen ose uljen e rezervës valutore.
