Lëkundje tërmeti janë ndjerë minutat e fundit në Shqipëri, në rrethin e Lushnjës. Mësohet se lëkundjet e regjistruara kanë qenë të magnitudës 4.0 rihter dhe me thellësi 2 km.
Mësohet sipas EMSC se epiqendra ka qenë 5 kilometra afër Lushnjes. Por edhe zonat e afërta e kanë ndier tërmetin pasi epiqendra është vetëm 39 kilometra larg Tiranës. Deri më tani nuk njoftohet për dëme materiale apo në njerëz.
Lëkundjet janë ndjerë në Peqin, Elbasan, Fier Vlore dhe Tiranë. Që prej tërmetit të 26 nëntorit, lëkundjet në vend kanë qenë të shpeshta por me magnitudë më të vogël. Kryesisht ato janë regjistruar në detin “Adriatik” dhe në zonën rreth Durrësit
