Lëkundje tërmeti janë ndier mbremjen e sotme rreth orës 20 :10 në Korçë. Sipas faqes që regjistron të dhënat e lëkundjeve EMSC, magnituda paraprake e tërmetit u raportua 3 e shkallës Rihter. Në përditësimin e ri, EMSC e ndryshoi magnitudën në 3.1.
IGJEUM gjithashtu ka regjistruar lëkundjen me magnitudë 3.1, me thellësi 29 KM dhe 4 km në perëndim të fshatit Bulgarec në Korçë. “Data: 05/05/2020Ora: 20:10:10M=3.1Place: 4 km P Bulgarecit, Korce40.64° N, 20.72° E Thellësia: 29 KM”, raporton IGJEUM. Deri më tani nuk raportohet për dëme materiale. Sipas IGJEUM, në Korçë ka pasur disa lëkundje dy ditët e fundit, me magnitudë më të vogël se tre.
