Një aksident rrugor ka ndodhur mesditën e kësaj të enjte në Librazhd ku si pasojë janë lënduar gjashtë persona.
Sipas policisë mësohet se aksidenti ka ndodhur në fshatin Gurakuq, ku drejtuesi i makinës një 64 vjeçar, duke drejtuar automjetin tip “Mitsubishi”, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë janë lënduar vetë drejtuesi i makinës, një 38 vjeçar, një 33 vjeçare dhe tre fëmijë të mitur, të moshave 9, 6 dhe 2 vjeç, pasagjerë në këtë automjet, të cilët ndodhen në kujdesin e mjekëve, jashtë rrezikut për jetën.
“Mesditën e sotme, në fshatin Gurakuq, një 64 vjeçar, duke drejtuar automjetin tip “Mitsubishi”, ka humbur kontrollin mbi drejtimin e automjetit dhe për pasojë automjeti ka dalë nga rruga.
Nga ky aksident, janë dëmtuar drejtuesi i automjetit dhe një 38 vjeçar, një 33 vjeçe dhe tre fëmijë të mitur, të moshave 9, 6 dhe 2 vjeç, pasagjerë në këtë automjet, të cilët ndodhen në kujdesin e mjekëve, jashtë rrezikut për jetën.
Grupit hetimor po punon për përcaktimin e shkaqeve të këtij aksidenti”, thuhet në njoftimin e policisë.
