Paraardhësit e lashtë të të gjitha kafshëve, përfshirë njerëzit mund të kenë qenë biseksualë dhe mund të kenë kryer akte homoseksuale.

Në këtë përfundim ka dalë një studim i Universitetit Yale, në Connecticut, ku theksohet se homoseksualiteti tek kafshët është i përhapur dhe mund të ketë qenë pjesë e sjelljes së kafshëve, që nga fillimi.

Aktiviteti seksual i më shumë se 1.500 specieve të ndryshme përfshirë gaforret, gjarpërinjtë, majmunët, yjet e detit dhe lopët është studiuar nga shkencëtarët si pjesë e përpjekjeve për të zbuluar pse homoseksualiteti vazhdon ‘pavarësisht se nuk ka një përfitim të dukshëm evolucionar’.

Studiuesit besojnë se sjellja homoseksuale ishte pjesë e ADN-së së tyre të hershme. “Nëse ndonjë tipar tjetër përveç homoseksualizmit do të ishte vërejtur në një grup kaq të larmishëm speciesh, do të pranohej gjerësisht si pjesë e ADN-së tonë stërgjyshore. Kështu nuk do të dukej si diçka që evoluoi më vonë”, thotë Julia Monk, autorja e parë në letër.

“Sugjerimi historik i ‘heteroseksualizmit si normë për shoqërinë’ ka penguar idenë që ne të evoluojmë duke menduar se në të kaluarën kemi qenë biseksualë”, tha zonja Monk. Kështu shkencëtarët po pëpiqen të zgjidhin ‘paradoksin Darvinian’.

Por pse kafshët praktikojnë veprimtari seksuale të të njëjtit seks, kur nuk kanë ndonjë përfitim të dukshëm evolucionar dhe mund të çojë në zhdukjen e tyre, nëse të gjithë anëtarët e specieve e praktikojnë atë?  Studiuesit e Yale tani kanë përgjigjen. Ata shqiegojnë që paraardhësit e hershëm të kafshëve praktikuan ‘sjellje seksuale pa dallim, të drejtuara drejt të gjitha gjinive’, sesa thjesht seks heteroseksual. “Duke zhvendosur lentet përmes të cilave studiojmë sjelljen seksuale të kafshëve, ne mund të ekzaminojmë më frytshëm historinë evolucionare të strategjive të ndryshme seksuale,” thotë zonja Monk. Si pjesë e studimit të tyre për sjelljet seksuale të të njëjtit seks, ekipi ekzaminoi çdo gjë që nuk çonte direkt tek pasardhësit.

Për teoritë e hershme se përse sjellja homoseksuale ka vazhduar gjatë evolucionit është thënë se kjo ndodh për shkak të identitetit të gabuar, të faktit që kafshët janë mbajtur mbyllur, dominimit dhe konfliktit ndërseksual. Zonja Monk dhe ekipi i saj thonë se sjellja heteroseksuale ka të ngjarë të jetë një ‘tipar i rrjedhur’ që lind nga natyra biseksuale e specieve paraardhëse së bashku me sjelljen homoseksuale.