Qeveria ka miratuar ligjin për ndalimin importimit të automjeteve më të vjetra se 10 vite, vendim ky i parashikuar që do të hynte në fuqi nga data 1 Janar 2018.
Por ky vendim ka sjellë një sërë problemesh, pasi sipas qytetarëve ka hyrë në fuqi para kohe.
Sipas tyre, kjo ka bërë që makinat e blera në SHBA dhe Kanada të mos lejohen që të zhdoganohen, ndonëse ato kanë hyrë në doganë para datës së parashikuar.
Në adresë të redaksisë së Faxweb.al ka mbërritur një mesazh i një prej qytetarëve të prekur, i cili shprehet se nedës do të protestojnë në Doganën e Durrësit.
“Prsh! Jemi një grup qytetarësh të cilët nuk po gjejmë zgjidhje nga instancat doganore. Problemi qëndron për automjetet të cilat kanë hyrë në doganë nga USA-Kanada dhe nuk zhdoganohen pasi ligji doli përpara kohe në fletoren zyrtare. Nesër mendohet për një protestë në Dr. e Doganës Durrës. Ju lutemi për prezencën tuaj!”, – thuhet në mesazhin e mbërritur në redaksinë tonë.
