Gjykata e Posaçme e Apelit ka marrë vendimi që të liroj nga burgu mjekun kardio-kirurg Edvin Prifti. Kjo gjykatë ka ndryshuar masën e sigurisë nga “arrest me burg” në “arrest shtëpie”, transmeton News24.
Ndërkohë që sipas informacioneve bëhet me dije se mbetet në fuqi masa për pezullimin nga detyra. Kujtojmë se mjeku Edvin Prifti u la javë më parë në burg, pasi Prokuroria i shtoi akuzën për pastrimin e parave.
Ai u përfshi në çështjen e korrupsionit në Gjykatën e Krujës, pasi mori ryshfet për të bërë operacion pa radhë nënën e krye sekretares gjyqësore Emanuela Mallkuçi. SPAK po përgjonte Mallkuçin ndërkohë që u zbulua edhe korrupsioni i mjekut Edvin Prifti.
