Ish deputetja e LSI-së, Erisa Xhixho deklaron se nuk është vetëm pandëshkueshmëria sëmundje e pashërueshme e institucioneve të zbatimit të ligjit ne Shqiperi, por edhe standardi i dyfishtë.
Duke iu referuar vendimit të Saimir Tahirit, Xhixho kujtoi se përfundojnë në burg ata që nuk kanë mundësi të paguajën faturat e energjisë elektrike.
“Ndërsa Saimir Tahiri dënohet me shërbim prove, ata që nuk janë në shërbim të shefit të madh përfundojnë në burg edhe kur mbrojnë shtëpitë e tyre prej vjedhjes së pushtetit të shefit të madh. Përfundojnë në burg edhe pse nuk kanë mundësi të paguajën faturat e energjisë elektrike, përfundojnë në burg edhe pse nuk pranojnë të mbyllin gojën dhe të bëhen servilë dhe shërbëtorë të pushtetit kriminal të shefit të madh. Shefi i vogël, shpëtoi nga burgu por formalisht u shpall fajtor që të shpëtojë shefi i madh” u shpreh Xhixho në një prononcim për median nga selia e LSI-se. oranews
