Teksa ndodhej për një vizitë zyrtare në Tiranë, Vjosa Osmani, ushtruesja e detyrës së presidentit të Kosovës, foli dhe për mundësinë e mbajtje së zgjedhjeve të parakohshme atje.
Duke iu përgjigjur interesimit të mediave në një konferencë të përbashkët të mbajtur dje me presidentin Meta, Osmani ka shprehur bindjen se kreu i LDK-së Mustafa nuk dëshiron që vendi të shkojë në zgjedhje të reja.
Ajo tha se për fajin e tij u krijuan sfida në institucionet e vendit, me të cilat tashmë po i duhet të ballafaqohet. Lidhur me këto deklarata ka reaguar dhe vetë Mustafa, i cili ka nënqeshur me ironi. “Të lumtë ne për ushtrues detyrën e Presidentes! hhahaha”, është shprehur Mustafa për klan kosova.
Osmani në konferencë u shpreh për mbajtjen së më të shpejtë të zgjedhjeve të parakohshme, duke aluduar se kjo do të jetë pozitive edhe për iniciativën e saj politike, themelimin e së cilës e kishte paralajmëruar më herët, pas largimit nga LDK për shkak të qëndrimeve të kundërta.
