Lumi i Vlorës është një krahinë e tërë në zemër të labërisë që e ka marrë këtë emër nga lumi i Shushicës. Ky lumë kalon mes maleve të Cikes dhe Cipinit, nis udhëtimin e tij nga buronjat e Kucit dhe përshkon luginën me gjatësi 81.6 km.
Krahina e Lumit të Vlorës është e banuar prej me shumë se 2000 vitesh. Këtë e dëshmojnë gjurmët e lashtësisë që ne gjejmë sot përgjatë luginës. Banorët e kësaj krahine në mijëra vjet nuk e kanë braktisur zonën e tyre, por e kanë zhvilluar atë, sepse ajo zonë mbart në vetvete resurse të jashtëzakonshme natyrore. Këtu prodhohet ushqimi bio nga bujqësia dhe blegtoria, ajri është i pasur me oksigjen dhe uji i kristaltë.
Të gjitha këto e bëjnë këtë zonë kaq vitale dhe të kerkuar. Sot në këtë zonë pervec gjurmëve të lashtësisë, gjejmë edhe lulëzimin e bizneseve të gjelbera… I shoqëruam këto pamje me tingujt e cules dyjare jo rastësisht, por sepse ky është instrumenti tradicional i kësaj zone që ka shoqëruar jetën e këtyre banorëve në shekuj dhe sot ajo ngelet një nga gjerat më të rralla, specifike jo vetëm të zonës por dhe unike në të gjithë botën. Këto janë vetëm disa nga pasuritë qe mbart kjo zonë, të cilat i kemi përmbledhur në broshurën promovuese Lumi i Vlorës, për t’i dhënë jehonë në mbarë botën kësaj perle natyrore dhe humane për zhvillimin e turizmit.
