Duke lëvizur në orën 19 përgjatë Lungomares pash një shpërthim të jashtzakonshëm të një qyteti që jeton. E mundëm Covid-19 fal disiplinës dhe durimit të treguar, të thonë vlonjatët. Sa bukur kur njerëzit levizin të lirë përgjatë shëtitores më emblematike të qytetit, ndërkohë që dielli i madhërishëm ulet ngadal në sfond duke perënduar mbi det. Vlonjatët kanë hedhur tej ditët në karantin dhe po shijojnë magjinë e natyrës së praruar.
Shkojmë në fund të lungomarres, atje ku gjendet kompleksi sportiv dhe gjejmë të gjitha fushat plotë me të rinjë e të reja që luajnë e argëtohen. Dy fushat e basketbollit, dy fushat e tenisit, një fushë futbolli dhe një tjetër fushë tenisi tërheqin me dhjetëra dhe qindra të rinjë. Ecim më tej akoma, për të parë se ç’po bëhet me segmenin fundor të lungomares drejtë tunelit të ujit të ftohtë dhe shohim që po punohet me ritëm të kënaqshëm. Sipas projektit, pjesa fundore e lungomares drejtë tunelit të ujit të ftohtë do të ketë, veç shëtitores, plazhe dhe pishina.
Kryetari i Bashkisë së Vlorës Dritan Leli deklaroi dje gjatë një interviste në një television se, Vlora është gati të çeli sezonin turistik. Kjo krijon shpresë se gjërat do të shkojnë në vendin e duhur për të kapur kohën e humbur. Në fakt maji është gjithmon muaji ku çelet sezoni turistik. Ndoshta nuk do të ketë festival e koncerte me fishekzjarre, por këtë vit do bëjmë edhe pa to për të mbrojtur jetën nga Covid-19.
Vlora, qyteti i diellit dhe e idetit po u shkel syrin të gjithë turistëve. Ejani më shijoni, ja ku jam! Nga Clirim Hoxha
