Foto ilustruese
Një person ka humbur jetën si pasojë e një aksidenti të ndodhur në Korçë. Ngjarja ka ndodhur në afërsi të fshatit Rrëmbec, ku sipas policisë një makinë ka dalë nga rruga, si pasojë drejtuesi i saj ka humbur jetën.
Mësohet se shoferin e ka zënë automjeti poshtë, duke i shkaktuar vdekjen e menjëhershme.
Ende nuk është identifikuar viktima, ndërsa policia dhe grupi hetimor po punojnë për zbardhjen e rrethanave të aksidentit.
