Një aksident me pasojë plagosjen ka ndodhur në Malësinë e Madhe. Aksidenti ka ndodhur mbrëmjen e sotme rreth orës 21:40, në aksin rrugor Hani i Hotit – Shkodër, fshati Vukpalaj.
Në aksident janë përfshirë një Trajler, me drejtues shtetasin boshnjak M. K., 35 vjeç, banues në Laktash, Bosnje Hercegovinë dhe një motorçikletë, me drejtues shtetasin Gj. L. 41 vjeç, banues në fshatin Hot, Malësi e Madhe. Për pasojë është dëmtuar drejtuesi i motorit i cili ndodhet në Spitalin Rajonal Shkodër në gjendje të rëndë. Në vendngjarje ndodhen shërbimet e policisë dhe po kryhen veprimet me grup hetimor për sqarimin e rrethanave të aksidentit.
