Ministrja e Shëndetësisë Ogerta Manastirliu, në fjalën e saj në Kongresin e PS-së, është ndalur te pandemia Covid-19. Ajo tha se pandemia e testoi qeverinë, por nuk e gjunjëzoi asnjëherë vendin tonë.
Pandemia na testoi, por nuk na gjunjëzoi. Iu përgjigjem me solidaritetin e mrekullueshëm të qytetarëve të vendit. Jemi përkrah Islandës si ndër vendet me më pak raste nga Covid në Europë. Kemi fituar disa beteja, por lufta nuk ka mbaruar.
Ne do ta ngremë Shqipërinë, si dhe në çdo kohë do ofrojë shërbim shëndetësor për çdo qytetar. Ka ardhur momenti i autonomisë spitalore, do krijojmë polet spitalore në katër rajone të vendit. Ne jemi të vetëdijshëm se rruga që kemi përpara është edhe më e vështirë nga ajo që kemi kaluar.-deklaroi ministrja e Shëndetësisë
