Arrestimi i Nuredin Dumanit ka rihapur, dosjen e vrasjeve për të cilat akuzohet i arrestuari dhe ish “miku” i tij Talo Çela. Sipas mediave vrasjet rrodhën pas grabitjes së thasëve me para në Rinas, e cila ka shkatuar një varg viktimash dhe arrestimesh.
Ndarja e parave duket se ka sjellë shumë vrasje. Dy nga më të rëndat ishte ajo e ndodhur me 27 prill të 2020 ku u vranë vëllezërit Besmir e Viktor Haxhia. Ata thuhet se kanë fshehur një nga grabitësit e Rinasit, por kohë pas ngjarjes ata u eliminuan. Për këtë vrasje akuzohen Nuredin Dumani i arrestuar pak ditë më parë dhe Talo Cela i cili ishte një nga grabitësit e Rinasit.
Në vrasjen e dy vëllezërve Haxhia, dyshohet se dy autorët ishin maskuar për të mos u njohur. Një prej tyre kishte veshur një maskë silikoni si ajo që u përdor në grabitjen e Rinasit, ndërsa tjetri një jelek ku shkruhej OFL.
Ngjarjet që pasuan, pas krimeve të njëpasnjëshme ndanë edhe miqësinë mes Talo Çelës dhe Nuredin Dumanit. Ata thuhet se prej kohësh kanë nisur “gjuetinë” për të vrarë njeri tjetrin. Një episod i tillë u shënua në Papër të Elbasanit ku u plagos Nuredin Dumani gjatë një shkëmbimi zjarri.
