Projekti FRIENDS4FAMILY – Aleanca midis zonave rurale për mikpritjen turistike miqësore familjare” është në fazën e tij përfundimtare. Konferenca Përfundimtare u mbajt në Veglie (Puglia) të shtunën më 6 nëntor 2021, në ambientet e GAL Terra d’Arneo.
Pas dy takimeve në Shqipëri dhe vizitës studimore dhe takimeve B2B në Pulia, Këshilli i Qarkut të Vlorës (Partneri Lider) dhe GAL Terra d’Arneo (Partner i projektit) prezantuan rezultatet e projektit që përqendroi vëmendjen e kompanive të mikpritjes dhe aktorëve lokalë mbi temën e turizmit familjar dhe zhvillimit rural. Qëllimi është krijimi i një marke vëmendjeje dhe një sërë standardesh minimale cilësore për ofertën turistike familjare në Shqipëri dhe në Pulia. Në konferencën finale në itali në dt.06.11.2021 morrën pjesë delegacioni nga Shqipëria i përbërë nga përfaqësues institucionalë të Këshillit të Qarkut Vlorë.
Në aktivitet morrën pjesë personalitete të rëndësishëm dhe perfaqësues institucionalë nga Pulia: Z. Cristin Casili, Zëvendës President i Këshillit Rajonal të Pulias, Z. Alessandro Delli Noci, Këshilltar për Ekonominë, Zhvillimin dhe Marrëdhëniet Ndërkombëtare të Rajonit të Pulias, z. Maurizio Raeli, drejtor i CIHEAM Bari dhe z. Giovanni Serafino, operator turistik lokal dhe ekspert i turizmit. Në iniciativë mori pjesë edhe z. Francesco Mandoi, magjistrat ndërlidhës ndërmjet Italisë dhe Shqipërisë, i cili tregoi miqësinë historike mes dy vendeve.
