Aktiviteti B2B i projektit Friends4Family “Aleanca midis zonave rurale për mikpritjen turistike miqësore familjare” u zhvillua në Veglie (Puglia) më 8 dhe 9 tetor 2021.
Veprimtaria e organizuar nga GAL Terra d’Arneo (partner i projektit), priti delegacionin nga Shqipëria i përbërë nga përfaqësues të Këshillit të Qarkut Vlorë (Partneri Lider), aktorë dhe kompani që operojnë në sektorin e turizmit dhe zhvillimit rural.
Ata u pritën nga Kryetari i GAL Terra d’Arneo, z. Cosimo Durante, i cili prezantoi punën dy ditore. Të premten më 8 tetor, delegacioni shqiptar u angazhua në vizita studimore në kompani rurale (si ferma agroturizme, kantina etj), ku operatorët shqiptarë panë aktivitetet dhe iniciativat e zbatuara për një menaxhim të mirë të turizmit rural.
Operatorët turistikë të rajonit të pulias dhe delegacioni shqiptar u takuan më 9 tetor 2021 gjatë eventit ndërkombëtar B2B ku ndanë objektivat dhe mundësitë e ardhshme për bashkëpunim. Bashkëpunimi u zyrtarizua me nënshkrimin e 10 marrëveshjeve të bashkëpunimit të cilat përfaqësojnë pikënisjen për nisjen e nismave të reja të bashkëpunimit midis Pulias dhe Shqipërisë në fushën e turizmit familjar.
