Aleks Marku, 40-vjeçari i cili u arrestua pak ditë më parë pasi mbante peng fëmijët e mitur dhe qëllonte me armë zjarri është lënë në burg nga Gjykata e Durrësit. Vendimi është dhënë pak më parë.
Në dëshminë e tij të dhënë më herët Marku deklaroi se ka patur konflikte me ish-bashkëshorten e tij, dhe kjo e fundit ishte larguar drejt Italisë duke i lënë dy fëmijët e mitur. Ai ka hedhur akuza se ish-gruaja kishte krijuar një romancë tjetër, ndërkohë që vijonte të ishte e martuar me Markun. Ai ka pohuar se në apartamentin e marrë me qira në “Shkëmbin e Kavajës” i mori fëmijët sepse donte t’i largonte nga i dashuri i gruas dhe pretendon se ky i fundit po vinte për ta sulmuar, prandaj kishte dalë me kallashnikov në dritare. 40-vjeçari dyshohet ka qenë nën efektin e lëndëve narkotike.
