Më shumë se 700 nxënës janë ndaluar në incidentet që ndodhën gjatë protestave të nxënësve të shkollave të mesme në Francë, kundër politikave të qeverisë dhe presidentit francez, Emmanuel Macron mbi arsimin.
Sipas mediave franceze, bazuar në burimet e Ministrisë së Punëve të Brendshme, në incedentet që kanë ndodhur në protestat e djeshme, kundër politikave të qeverisë dhe presidentit francez mbi arsimin, janë ndaluar mbi 700 nxënës të shkollave të mesme. Dje në më shumë se 280 shkolla është pezulluar pjesërisht apo tërësisht procesi mësimor.
Nxënësit që nga e hëna në shumë qytete të Francës protestojnë kundër politikave të presidentit Macron dhe qeverisë mbi arsimin. Sindikatat e nxënësve kanë paralajmëruar se protestat do të vazhdojnë me një pjesëmarrje më të gjerë.
Në incidentet që kanë ndodhur gjatë protestave të mërkurën janë arrestuar 32 nxënës.
