Edhe Bibilioteka Kombëtare e Shqipërisë ka marrë masa ndaj koronavirusit. Në një njoftim në faqen zyrtare të Bibliotekës në “Facebook”, thuhet se aktiviteti i saj do mbyllet deri në datën 3 prill. Ky vendim është marrë pas thirrjes së qeverisë për të shmangur grumbullimet masive.
Njoftimi:
Në zbatim të masave paraprake të ndërmarra për të parandaluar përhapjen e #COVID19 në Shqipëri, renditet edhe: “Anulohen grumbullimet masive, aktivitetet sportive, kulturore, konferenca, dëgjesa publike deri më datë 3 prill 2020.”
Sa më lart, Biblioteka Kombëtare do të qëndrojë e mbyllur për lexuesit dhe anulon veprimtaritë e kalendarit kulturor nga data 10 mars deri më datë 3 prill 2020. Ju falënderojmë për mirëkuptimin!
