Për të përballuar emergjencën e koronavirusit, qeveria Conte ka vendosur shtrirjen e “zonës së kontrollit të përforcuar” në të gjithë Italinë , masë kjo që fillimisht ishte marrrë vetëm për Lombardinë dhe 14 provincat e tjera veriore natën midis të shtunës dhe të dielës. Në dekretin “Unë qëndroj në shtëpi” nuk ka asnjë ndalim të qartë për të dalë nga shtëpia, por lejohet vetëm për nevoja pune, shëndetësore ose jetese. Për ta qartësuar më mirë atë që po ndodh këtu janë përgjigjet e pyetjeve që mund të bëjë çdo shqiptar që jeton në Itali.
A duhet të qëndroj i izoluar në shtëpi dhe të mos dal më për një muaj?
Dekreti thotë që ju mund të dilni vetëm për punë, nevoja shëndetësore apo nevoja të tjera të rëndësishme. Nëse dilni nga shtëpia çështje shëndetësore apo sepse do të bëni pazar, duhet të vetë-vërtetoni arsyen.
A ekziston një formë vetë-çertifikimi?
Po, klikoni këtu për ta shkarkuar atë
A duhet të vrapoj në supermarket sepse rrezikoj të mbetem pa ushqime?
Absolutisht jo. Supermarkete nuk mbyllen. Kamionët që furnizojnë supermarketet mund të qarkullojnë gjithmonë, kështu që nuk ka asnjë problem. Mësymja drejt supermarketeve është një veprim i papërgjegjshëm.
A mund të dal për të punuar jashtë bashkisë time?
Po, por mbani vetë-çertifikimin ose një deklaratë nga punëdhënësi juaj në xhep, ku thuhet se duhet të lëvizni për të shkuar në vendin tuaj të punës ose jeni jashtë për angazhime të tjera pune. Nëse nuk e bëni këtë do të përballeni me ndëshkime.
A mund të dal për të ndihmuar prindërit ose të afërmit e moshuar?
Sigurisht, është një kusht i domosdoshëm.
A mund të shkoj për një ekzaminim mjekësor edhe jashtë qytetit tim?
Po, këto janë arsye shëndetësore.
A mund të shkoj në farmaci?
Sigurisht, nëse është e nevojshme për të gjetur ilaçe ose produkte thelbësore.
Unë jam jashtë bashkisë time për punë, a mund të kthehem në shtëpinë apo vendbanimin tim?
Sigurisht, dekreti e parashikon atë.
A mund të shkoj në një zyrë komunale për një certifikatë? A mund të paguaj një faturë?
Të gjitha shërbimet publike janë të garantuara, madje edhe zyrat postare. Mos harroni: shkoni vetëm nëse është thelbësore dhe nëse shkoni në një zyrë gjithmonë respektoni distancën e sigurisë.
A vazhdon transporti publik? A mund ta përdor?
Ata qarkullojnë rregullisht. Kushtojini vëmendje distancave (të paktën një metër) dhe menjëherë lani duart mirë ose përdorni xhel antibakterial.
A mund të shkoj tek miqtë / të afërmit e mi për drekë në shtëpi?
Ky nuk është një veprim i domosdoshëm dhe nuk lejohet. Turmat e njerëzve duhet të shmangen për të ndaluar çdo infeksion të mundshëm.
A mund të dal për të takuar miq në bar apo në shesh?
Dekreti ndalon të gjitha llojet e tubimeve në vendet publike brenda dhe jashtë. Baret janë të hapura deri në orën 6 pasdite nëse doni të pini kafe ose diçka tjetër ndërsa jeni jashtë për arsyet e parashikuara nga dekreti. Por qëndroni në një distancë të sigurt nga njerëzit e tjerë.
A mund të blej?
Dyqanet mbeten të hapura (megjithëse disa spontanisht vendosën të mbyllen sepse nuk shesin produkte themelore). Qendrat tregtare mbyllen fundjavave për të shmangur turmat.
A mund të nxjerr qenin për shëtitje?
Po, nëse është një domosdoshmëri, por qëndroni larg njerëzve që mund të takoni gjatë rrugës. Shmangni shtrëngimet e duarve, puthjet dhe përqafimet.
A mund të ushtroj sport?
Palestrat dhe pishinat janë të mbyllura, aktivitetet sportive ose motorike lejohen vetëm jashtë. Nëse e bëni atë, mos e bëni në grup.
A mund të shkoj në meshë?
Jo, shërbimet fetare janë pezulluar. Por kishat duhet t’i gjeni të hapura dhe mund të luteni, duke qëndruar të paktën një metër larg nga predikuesi tjetër fetar.
Mund të shkoj në kinema?
Jo, kinematë janë mbyllur në të gjithë Italinë deri në 3 Prill, sikundër muzetë dhe teatrot.
