Hipoteka e Korçës është mbyllur gjatë ditës së sotme, për shkak se 3 punonjës të saj kanë rezultuar pozitiv me covid-19. Mësohet se punonjësit janë karantinuar dhe po u merret tamponi personave që kanë pasur kontakt ditët e fundit. Burime bëjnë me dije për Faxweb.al se gjendja e punonjësve që janë prekur me Covid është e qendrueshme, dhe derimë tani nuk kanë pasur nevojë për trajtim spitalor.
Prej ditësh në vend shifrat e të prekurve janë duke u rritur ndjeshëm, ku dje u shënuan më shumë se 200 infektime ditore, për herë të parë që prej fillimit të pandemisë. Gjendja në spitale po ashtu është rënduar, për shkak të numrit të madh të pacientëve të shtruar. Në këtë kuadër nga sot qeveria ka vendosur mbajtjen e detyrueshme të maskave në çdo ambient, me qëllim frenimin e përhapjes së Covid. Opozita nga ana e saj kërkon që të ketë më shumë para që hidhen në ekonomi dhe në shëndetësi, dhe tiu jepet fund aferave korruptive
