Një 90-vjeçar në Korçë është mbytur në një pus të fshatit. Ngjarja ka ndodhur në Barç, ndërsa i moshuari Hekuran Dapellari është gjetur i pajetë rreth orës 08:00 të mëngjesit, të dielën. Nga të dhënat e para dhe deklarimet e marra familjarëve, rezulton se i moshuari vuante nga skleroza dhe se ishte larguar një ditë më parë, nga banesa e tij.
Njoftimi Korçë/Informacion paraprak Më datë 15.11.2020, rreth orës 08:00, në fshatin Barç, është gjetur i mbytur në një pus uji shtetasi H. D., rreth 89 vjeç, banues në këtë fshat. Nga të dhënat e para dhe deklarimet e marra familjarëve, rezulton se ky shtetas vuante nga skleroza dhe se ishte larguar një ditë më parë, nga banesa e tij. Grupi hetimor po punon për sqarimin e rrethanave të ngjarjes.
