Presidenca e Republikës ka publikuar fotot nga ceremonia e betimit të kryeministrit Edi Rama dhe kabinetit të tij qeveritar.

Me dorën mbi Kushtetutën e Shqipërisë, Kryeministri di Rama dhe anëtarët e tjerë të Këshillit të Ministrave u betuan se: “Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave!”

Gjatë kësaj ceremonie solemne ishin të pranishëm kryeparlamentarja, Lindita Nikolla dhe anëtarët e Kabinetit të Presidentit të Republikës.

Ashtu siç e përcakton edhe protokolli, ministrat dhe kreu i qeverisë, morën letrën e dekretit nga presidenti Ilir Meta. Ceremonia në fjalë, që u zhvillua në ambientet e Presidencës, është zhvilluar nën masat anticovid, ku të gjithë zyrtarët kanë qenë të pajisur me maskë.