Një ditë pas sherrit masiv në zonën e Zogut të Zi, për gërvishtjen e një makine policia thotë se ka arrestuar një 40-vjeçar nga Tirana, ndërsa janë proceduar në gjendje të lire tre persona të tjerë, që u përfshinë në konflikt.
“Specialistët për Hetimin e Krimeve të Komisariatit të Policisë Nr. 3 arrestuan shtetasin: A. M., 40 vjeç, banues në Tiranë, si dhe proceduan në gjendje të lirë shtetasit M. H., 23 vjeç, E. Sh., 60 vjeç, dhe E. Sh., 27 vjeç, pasi ditën e djeshme, në afërsi të Zogut të Zi, për motive të dobëta (gërvishje mjeti) janë konfliktuar dhe kanë goditur njëri-tjetrin me grushte”, sqaron policia.
Një gërvishtje makine është bërë shkak për një përleshje fizike mes disa personave në rrethrrotullimin e Zogut të Zi në Tiranë.
Si pasojë personat që ndodheshin në të dyja mjetet kanë dalë nga makinat dhe janë konfliktuar deri në përdorimin e grushteve, duke shkaktuar edhe panik tek qytetarët që ndodheshin në rrugë në ato momente. Policia sqaroi se si pasojë e goditjeve personat kane marrë dëmtime të lehta.
Pamje të tjera nga sherri në “Zog të Zi”! pic.twitter.com/s1rTLwNd1g
— JOQ Albania (@JoqAlbania) April 9, 2023
