Video e aksidentit që i mori jetën ‘Xubit’ të Yzberishtit është bërë publike nga ‘JOQ’. U tha fillimisht se Fatmir Avdillari teksa po udhëtonte me motor u përplas me një mjet. Mirëpo në video shihet se drejtuesja e mjetit vjen nga korsia e mesit pa hapur sinjal, ndërkohë që drejtuesi i motorit ecën drejt me shpejtësi duke fluturuar në ajër.
Ditën e sotme është arrestuar drejtuesja e mjetit, Ankela Mulleti, 39 vjeçe pasi akuzohet si përgjegjëse për aksidentit ku vdiq Fatmir Avdillari, i njohur si ‘Xubi i Yzberishtit’.
“Xubi i Yzberishtit” ka qenë një personazh i njohur për institucionet ligjzbatuese në vend, madje ishte subjekt i OFL-së. Fatmir Avdillari, është i njohur si një ndër anëtarët e bandës së Yzberishtit në vitet ’97-’98, ku bashkëanëtarë kanë qenë edhe dy vëllezërit e tij, Nazmiu dhe Iliri, ky i fundit i cili identifikohet si “kapoja”.
